फेरि संसार रित्तो भयो
फेरि संसार रित्तो भयो
फेरि आकाश धमिलियो
लुक्दै गएछन् ताराहरू
जुन बिचरो एक्लो भयो ।
नाराजुलुस झ्याऊकिरीको
मसालजुलुस जुनकिरीको
राँकेभूतको बन्द आज
भोको बिचरा लाटोकोसेरो ।
तरुनी भइछ रजनीगन्धा
झुमी रहिछ सुवास छर्दै
बन्दी छ भमरा अँध्यारोमा
रात बित्ने पलपल गन्दै ।
सागरपारि मयालु उनको
सागरवारि उनको बास
अँध्यारो पछि भेटुँला भन्ने
यही छ भगवान एउटा आश !
फेरि संसार रित्तो भयो
फेरि आकाश धमिलियो
लुक्दै गएछन् ताराहरू
जुन बिचरो एक्लो भयो ।
राम दाहाल
जोरपाटी - १ काठमाडौँ
२०७० भाद्र ७
No comments:
Post a Comment