बाबाजीका ठुल्लुको भावार्थ
म ट्विटरमा पस्दा एउटा वाक्यांश 'बाबाजी का ठुल्लु'
देखेर अचम्म मानेँ । जिन्दगीमा कहिले पनि नसुनिएको वाक्यांश देख्दा मैले दुईटा
अन्दाजी लगाएँ । पहिलो, यो किशोरवयका भाइहरूलाई रमाइलो लागेर नया शब्द निर्माण
गरेका होलान् । दोश्रो, बाबाजी नामले चर्चित एक जना ट्विटे भाइ भएकाले उनलाई उडाउन
साथीभाइले सिर्जना गरेको वाक्यांश होला भनी सोचेँ । हुन त यो वाक्यांश भद्र त मलाई
लाग्दैनथ्यो तैपनि लहडवाज भाइहरूले प्रयोग गरेकोमा असिलो मैले मानेको थिइँन तर
पछिल्लो समयमा एउटी बहिनीले आएर अति सजिलैसँग एउटा भाइलाई "बाबाजीका
ठल्लु" दिएपछि भने म यो वाक्यांशको अर्थ खोज्ने निर्णयमा पुगेँ किनकि
पुरुषहरू अभद्र शब्द र गाली समेत सजिलै प्रयोग गर्न सक्छन् तर महिलाहरू वाक्य,
वाक्यांश, शब्दहरूको पर्याप्त अर्थ नबुझी त्यसको प्रयोग गर्दैनन् । यसो हुनुमा
नारी भाषाका पुस्तैनी संवाहक हुन् । उनीहरू सन्तान दर्सन्तान भाषालाई बोकेर
जान्छन् र आफ्ना सन्तानले नराम्रा वाक्य, वाक्यांश, शब्द आफूबाट नसिकुन् भन्ने
चाहन्छन् । त्यसैले फोहोर गाली गर्ने लोग्नेमानिस असंख्य हुन्छन् भने त्यस्तो गाली
गर्ने आइमाई बिरलै भेटिन्छन् । हिन्दीमा 'बाबाजीका घण्टा, बाबाजीका लण्डा' जस्ता
वाक्यांश त लोग्नेमानिसका मुखबाट पर्याप्त सुनिए पनि आइमाईका मुखबाट सुनिदैनन् ।
त्यसैले 'बाबाजीका ठुल्लु' वाक्यांश एउटी महिलाका मुखबाट सुनिएपछि ठुल्लुको अर्थ
खोज्न थालियो ।
विभिन्न खोजीसंग्रहबाट के थाहा पाइयो भने हिन्दी
शब्दकोशमा 'ठुल्लु' शब्दको कुनै अर्थ छैन र त्यो शब्द नै छैन शब्दकोशमा । त्यो शब्द
त भारतिय टेलेभिजनको 'कमेडी शो' का कलाकार कपिल शर्माद्वारा निर्मित शब्द रहेछ ।
टेलिभिजन शोमा भाषामा चल्ती घण्टा, लण्डा जस्ता शब्द प्रयोग गर्न नमिल्ने भएकाले
उनले ठुल्लु शब्द निर्माण गरेका रहेछन् । रमाइलो त के छ भने घण्टा, लण्डा जनाउदा
देब्रे हातले झुन्ड्याएको दाहिने हातको कुहिनो समाएर दाहिने हात तल हल्लाइन्छ भने
कपिल शर्माले दाहिने हात कुहिनोबाट ठड्याएर सर्पझै माथि हल्लाउछन् । तर तल
हल्लाउनु र माथि हल्लाउनुमा विश्लेषकहरू त्यति फरक ठान्दा रहेनछन् किनकि लोग्नेमानिसको
जननेन्द्रियलाई सर्पसँग तुलना गरिने भएकोले भावार्थमा घण्टा, लण्डा, ठुल्लु
समानार्थी भएको भारतिय विश्लेषकहरू स्विकार्छन् । भारतिय कलाकारको नकलमा पोख्त नेपालीले
त्यही नकलको सिलसिलामा समाएका रहेछन् यो 'बाबाजीका ठुल्लु' पनि । मैले यस्तै पाएँ
खोजीमा ।
No comments:
Post a Comment