छोरीको बिलौना

छोरीको बिलौना २

चाँदीको कचौरा भात् खाँदा खिएको
अलिक् त बाबाले नहेरी दिएको ।
देउ्रा जेठानी भात् पकाउ्ने पालो
केटो हेर्‍यौ बाबा सबैभन्दा कालो ।
हाम्रा बाबा जैसी मुलुकै जमानी
छोरी दियौ बाबा खातिरै नमानी ।
बतास लाग्यो बाबा रुखै हल्लाइ्  हल्लाइ्
पाल्यौ ताल्यौ बाबा दियौ कल्लाइ् कल्लाइ्।
मकै भुटी भुटी थालै भरी ठेट्ना
जेठानीहरू छन् खुकुरीले रेट्ना ।
भातै पकाइ्पकाइ निगुरीको तिहुन्
मेरा माइती कंगाल् केको दाइजो दिउन् ।
मकै पिँध्ने जाँतो छुत्ती खेल्ने मानी
मेरा कुरा लाउने यिनै कान्छीनानी ।
गिलीगिली जाउली खुलीखुली खाउली
मेरा कुरा गर्छ्यौ कस्का माइत आउली ।
सम्पत्तीको नाउँमा जन्तरैको टाटो
मर्न जान्छु बाबा देखाइ देउन बाटो ।
निधार् लाउनु टिकी गाजल् लाउनु कोस
आफ्नै कर्म उस्तो कल्लाई लाउनु दोष ।
कोरी देउ् बाटी देउ् छाप्टिकी लगाइ् देउ्
अर्कालाई् दिदा चै खोलामा बगाइ् देउ् ।

१०० वर्ष अगाडिको छोरीको बिलौनाको दोश्रो कथनलाई मैले मैले यहाँ राखी दिएको छु ।