यौन व्यवहार

बलत्कार कति अप्राकृतिक ?

विपरितलिङ्गीप्रतिको यौन आकर्षण प्रकृतिजन्य स्वभाव हो । सबै प्राणीमा समर्थ भालेपोथी बीचको आकर्षणका माध्यम आ-आफ्ने किसिमका हुन्छन् । कहीँ गन्धद्वारा, कहीँ शब्दद्वारा, कहीँ प्रकाशद्वारा, कहीँ स्पर्शद्वारा भालेले पोथिलाई या पोथीले भालेलाई आकर्षण र उत्तेजित गर्ने प्रकृया प्राणी उत्पतत्तीको शुरूदेखि नै भएको हुनुपर्छ । प्रजननको निम्ति भालेपोथीको दुवैको सहभागिता अनिवार्य भए पनि सो सहभागिता भालेको जिम्मेवारी डिम्ब सिम्बसेचनसम्म मात्र सीमित हुन्छ र सो पछिको सबै जिम्मेवारी पोथीको काँधमा आई लाग्छ । त्यसैले नै पोथी भ्रुणवाहक हुन पुगी र भाले विर्यदाता मात्र । बच्चाको जन्मपछि कतिपय प्राणीमा भालेपोथी दुवै मिलेर बच्चाको पालनपोषण गरे पनि वहुसंख्यक प्राणीमा त्यो जिम्मेवारी पनि पोथीमा मात्रै निहित हुन्छ ।

प्रकृतिको नियमानुसार पोथी गर्भधारण योग्य भएपछि उसमा भाले(हरू)लाई आफूतिर आकृष्ट गर्ने र उसलाई उत्तेजित गराउने विशेष गन्ध, शब्द या रङ देखा पर्न थाल्छ र भाले यौन समागमको चाहना लिएर पोथीलाई पछ्याउन थाल्छ । यसरी दुवैको स्वीकृतिमा हुने समागमलाई सामान्य यौनसमागम भनिन्छ । त्यही स्थितिमा पनि प्राणको यौनसमागमलाई हेर्ने हो भने भालेको व्यवहार आक्रामक देखिन्छ । बलियो भालेले पोथीसँग समागमको चाहना लिएर नजिकिएका अरू भालेलाई लखेट्छ । भर्सक पोथीलाई भाग्न नसक्ने कुनाको स्थितिमा पुर्‍याउछ केही बल त गरी नै हाल्छ । यसो गर्नुको कारण एकातिर समागममा गर्भाधान सुरक्षित गराउन पोथी एक्लैको प्रयासले सम्भव नहुदा सो उपयुक्त स्थानमा ल्याउनु हो भने अर्कोतिर भालेलाई चरम उत्तेजनाको स्थितिमा ल्याइसकेपछि पोथीको आनाकानी या तटस्थता देखाउने प्रवृत्तीको विरोध पनि हो ।

पोथीको इच्छा या आवश्यकता नभई भालेले जबर्जस्ती यौनआशनमा ल्याएर समागम गर्नुलाई बलत्कार भनिन्छ । मानिस बुद्धिजीवी प्राणी भएकोले उसको बलत्कारमा सम्बन्धमा पछि विशेष विश्लेषण गरौँला । पहिले अरू प्राणीहरूको सम्बन्धमा नै छलफल गरौँ ।

भालेपोथी जोडा भएर बस्ने प्राणीहरू बीच बलत्कारको स्थिति उत्पन्न हुन सक्दैन किनकि किनकि उनीहरू बीचको हार्दिक सम्बन्ध नै उनीहरू बीचको युगल सम्बन्ध हो र बलत्कारको स्थिति आउने बित्तिकै त्यो सम्बन्ध रहिरहन सक्दैन । दोश्रो, विशेष असम्भव परिस्थितिमा बाहेक पोथीले भालेको र भालेले पोथीको अनुरोधलाई अस्वीकार गर्दैनन् । घरपालुवा परेवाको जोडीमा यस्तो सम्बन्ध देखिन्छ ।

समूहमा बस्ने प्राणीहरूखो बीचमा भने बलत्कारक स्थिति यदाकदा देखिन्छ र त्यो बलत्कार समूहको नाइके भन्दा अरू सदस्यबाट भएको पाइन्छ । मूलनाइकेको यौनतृप्तिको निम्ति त कुनै न कुनै वयस्क पोथी उपलब्ध भई नै हाल्छे तर हरू वयस्क भालेहरूले मूलनाइकेको पेलाइले योग्य पोथी नपाउनाले बलत्कारको सहारा लिन्छन् । यसमा पोथिको पूर्ण सहमति नभए पनि केही सहमती त आवश्यक पर्छ नै ।

वयस्क र उत्तेजित पोथीमाथि भालेको बलपूर्वकको समागमलाई बलत्कार भन्न सकिदैन । त्यसैले प्राणी बीचको समागममा बलत्कारको परिभाषा दिदा सतर्कता अपनाउनु पर्छ । वयस्क भएर पनि पोथी समागम अयोग्य हुन सक्छे, वयस्क देखिए पनि वयस्क नभएकी हुन सक्छे अथवा उसका अनिच्छाका कारण अरू पनि हुन सक्छन् । यिनैहरूको आधारमा प्राणी बीचको बलत्कारलाई तीन भागमा विभाजित गर्न सकिन्छः १.बाल बलत्कार २.अनुपयुक्त बलत्कार ३.बिजातिय बलत्कार ।

प्राणीहरूमा बलत्कारको समस्या भालेको तुलनामा पोथी अति न्यून भएको स्थितिमा आउछ । यस्तो स्थितिमा भने उपरोक्त तीनै किसिमका बलत्कारहरू देखीने गर्छन् । पर्याप्त निरिक्षण गर्दा देखिन्छ कि घरपालुवा पशु र पन्छिमा यस्ता स्थिति बराबर देखा पर्छन् । वयस्क कुखुराको भाले भएको ठाउँमा वयस्क पोथीहरू छैनन् र हुर्की नसकेका पोथीहरू मात्र छन् भने त्यो भालेले गर्ने बलत्कार हेर्दा उसलाई निर्दयी भन्न कर लाग्छ । भालेले बच्ची पोथीलाई अधमरो बनाएर छोड्छ किनकि चल्लो आफूलाई समर्पण गर्न जान्दैन र भाले समर्पण चाहन्छ ।

अनमेल र अनुपयुक्त बलत्कार एउटा सामान्य कुरा हुन थालेको छ । यौनमा वयस्क भए पनि उमेर र बनौटले सानी पोथीसँग यौन सम्बन्ध बनाउन कतिपय स्थितिमा भालेले बलत्कार गर्छ । माउको दुध खादै गरेकी पाठीमा यौन उत्तेजना परेको ठुलो भिमसेने बोको पछि लागेर लखेटेको देखिएको छ  र थकाइले चुर भएर उभिन बाध्य पाठीसँग बलज्फ्ती यौनसमागम गरेको पनि देखिएको छ । घरमा भएको डाँगो भोटेकुकुरले सानी बेलायति कुकुर्नीलाई ठुला कुकुर्नी छैनन् भने बलत्कार नै गर्छ रगत्याम्म हुने गरी । साना डाँगा बेलायती कुकुर छन् भने पनि तिनीहरूलाई हटाएर बलत्कार गर्छ । कुकुर्नी आफ्नो इच्छाले रोज्न पाउदिन । 

अनुपयुक्त बत्कार पनि स्वजातिय बलत्कार हो । पोथी गर्भिणी या ओथारा बसेकी छ भने ऊ समागमको निम्त अयोग्य ठहरिन्छे । यो प्रकृतिको नियम हो तर अरू पोथि नभएको समयमा उत्तेजित भालेले यो प्रकृतिको नियमलाई मिचेर पोथिलाई बलत्कार गर्छ । यो सबै प्राणीमा पाइन्छ । कुखुराको भाले त यति निर्दयी हुन्छ कि ८।१० दिन ओथारा बसेर चारो टिप्न निस्किएकी पोथीलाई उत्तेजित भालेले लखेटी लखेटी गाँज्दछ र पोथिले आफूलाई समागमको निम्ति समर्पण नगरुन्जेल ङ्याकी नै रहन्छ । घरपालुवा पन्छीमा पोथिलाई लखेटिने यस्ता दृश्यहरू बिरला होइनन् ।

विजातिय यौन बलत्कार पनि पशुपन्छी सबैमा देखा पर्छन् । वनैया पशुपन्छी दुई थरी एकै ठाउँमा नबस्ने हुनाले विजातिय यौन समागम संभव हुदैन । घरपालुवा पशु र पक्षीमा भने विजातिय समागम बराबर देखिने गर्छ । हुनत भाले बलत्कार नै गर्छ तर पोथीको समर्पण बिना विजातिय समागम सम्भव नहुने हुनाले त्यस्ता बलत्कारलाई स्वीकृत समागम भने पनि हुन्छ । राँगाहरू नभएको भैँसीगोठमा सँगै साँढे छ भने साँढेले यस प्रकारको बलत्कारी समागम गर्दछ । शुरूशुरूमा भैँसीले त्यसको प्रतिरोध गरे पनि यौनतापमा आएको बेला उसले त्यसलाई सहजै स्वीकार गर्दछे । यस्तै सम्बन्ध पोथी हाँस र भाले कुखुराका बीचमा पनि देखीन्छ । भिन्न जातिका प्राणी बीच यस्तो सम्बन्ध भए पनि त्यसबाट गर्भाधान नहुने हुनाले त्यो सम्बन्ध एउटा अन्त्यहीन सम्बन्ध हुन पुग्छ ।

उपरोक्त तथ्यहरूबाट के देखिन्छ भने पशुपक्षी पनि बलत्कार गर्न सक्छन् र गर्दछन्  र असम्भव स्थितिमा बाहेक कतिपय बलत्कार, चाहे त्यो स्वजाति बीच होस् या विजाति बीच,  विस्तारै विस्तारै सामान्य यौनसमागममा परिणत हुन पुग्छन् । त्यसैले प्राणीमा बलत्कार अप्राकृतिक भन्न पनि गाहारो हुन्छ । बरु यसलाई अनियमित आक्रामक प्रवृत्ति भन्दा हुन्छ । मानिसमा बलत्कारी प्रवृत्ति देखा पर्‍यो भने त्यसलाई पशुवत अनियमित आक्रामक प्रवृत्ति भन्नु पर्छ ।

क्रमशः