सैरिता सागर(कविता)

 पहाड फोरी कसरी निस्क्यौ लिई वेगवती चाल ? 

कसरी आयो लहर तिमीमा ? कसरी आयो छाल ? 

जन्मदैमा कसरी पायौ चञ्चल काया तिमीले ? 

छोप्यौ किन लज्जावती भई यौवन तटका तरुले ? 

सुस्तसुस्त अघि बढायौ गजगामिनी चाला 

सङ्गम धेरै साथ भयो हो, साथमा को पो जाला ? 

लोभिइथ्यौ न्यानोपनमा चैतको घाम समाई 

छोडी हिँडिथ्यौ सागर चिसो बादल साथ लगाई । 

भन, सरिता, साथ दियोअ को यति लामो बाटोमा ? 

सागर तिम्रो पर्खिरहेछ त्यही ठाउँ त्यही माटोमा ।